Banorët marrin në krahë fëmijët për t’i shpëtuar nga përmbytja

Të trishta janë pamjet që vijnë nga fshati Gjadër në Lezhë. Pas reshjeve, lumi doli nga shtrati dhe vërshoi drejt banesave, duke bllokuar dhe rrugët.

Në këtë situatë të vështirë, prindërit shihen teksa marrin përsipër rrezikun. Ata transportojnë në krahë fëmijët e tyre në rrugët e mbuluara nga uji.

Për shkak të reshjeve të dendura të shiut që ranë gjatë natës së kaluar, Lezha është përfshirë në situatë kaotike.

Lumi Gjadër ka dalë nga shtrati duke vërshuar mbi zonat e banuara dhe duke përmbytur qindra hektarë tokë. Si pasojë e vërshimit të ujit është bllokuar edhe rruga Gjadër- Zojz.