Banorët e Astirit kanë dalë përsëri ditën e sotme në protestë këtë të diel për të tretën ditë radhazi kundër ndërtimit të një pallati të ri shumë afër me shtëpitë e tyre.
“Është vendosur një perde e zezë, ishte planifikuar të ndërtohej lulishte po ndërtohet pallat. Janë dy shkallë që janë 120 familje, përplaset direkt muri me pallatin. Nuk e di kush ka qënë ai që e ka dhënë lejen, besoj as në Honolulu nuk jepet kjo. Këtu as nuk munë të fiket zjarri. Të vijë Rama dhe Veliaj vetë, se me fushatë kanë ardhur. Në fushatë na premtuan lulishte. Nuk kërkojmë saraje siç i kanë ata, duam të drejtat tona” – është shprehur një banorë.
Banorët e Astirit kanë dalë në protestë prej disa ditësh, për shkak të një pallati 8 katësh që po ndërtohet në atë zonë. Banorët janë shprehur se leja e ndërtimit që është marrë për këtë pallat është e parregullt, ndërkohë që kanë shtuar se ndërtimi i tij zë gjithë hapësirën.
