Qyteti i Kukësit ka qenë një nga zonat që u prek më shumë nga temperatura e ulta dhe reshjet e dendura të dëborës në vend. Si pasojë e këtyre kushteve atmosferike, në fshatin Shtrezë banorët prej ditësh pohojnë se janë të bllokuar prej trashësisë së borës dhe bëjnë thirrje që shteti t’i ndihmojë. Në një prononcim për mediat, ata thonë se është e turpshme që lihen në mëshirë të fatit, kur rruga e tyre është vetëm 2 kilometër larg rrugës nacionale të Shishtavecit dhe sërish është bërë thuajse e pamundur që njerëzit të qarkullojnë, për tu furnizuar me ushqim, ilaçe apo në raste emergjencash.
Sakaq, ata shprehen të revoltuar për faktin që qeveria i ka lënë në mëshirë të fatit, duke qenë se i paguajnë taksat rregullisht. “Duhen 2 km që të shkojë djali në shkollë në këtë të ftohtë, duhet të çohet që në 6 dhe të niset nëpër borë. Të na hapin rrugën se dhe ne jemi shqiptarë, jemi të Kukësit. Ka njerëz me halle e probleme, i bëjmë thirrje shtetit se na kanë lënë pas dore gjithmonë .Unë i paguaj 1 milion e ca lekë vetëm taksa. Vetëm këtë vit 4 herë është bllokuar rruga, e kemi hapur vetë me lopatë. 30 km larg qytetit dhe vetëm 2 km nga rruga nacionale. Po për ne invalidët ça bëhet, nuk lëvizim dot në rast emergjent”, u shprehën ata.
Edhe për fëmijët e vegjël, stina e dimrit është sfiduese pasi u duhet të zgjohen shumë herët për të shkuar në shkollë. Pasi në këto fshat kjo gjendje përsëritet çdo vit.
Discussion about this post