Deputeti demokrat në Lushnje Saimir Korreshi është takuar ditën e sotme me banorët e fshatit Barbullinjë. Teksa përmend disa nga vështirësitë me të cilat përballet ky komunitet, për shkak se nuk investohet nga qeveria, Korreshi ka bërë një paralajmërim për pushtetin vendor që drejtohet nga PS.
Korreshi shprehet se nëse deri të premten nuk do dërgohen kosha në fshat, të gjithë banorët do i lënë plehrat në derë të njësisë administrative.
“Me banoret e fshatit Barbullinjë. Të lëne në harresë nga pushteti qendror e vendor vetëm prej faktit se votuan Partinë Demokratike. Kanale kulluese e vaditëse të bllokuar gjithandej.
Rruga për ne fshat si mos me keq pa vënë asnjë dore në këto 8 vite. Pa trotuar pa ndriçim. Thjesht e kanë degdisur si fshat.
Fëmijët për t’i çuar në shkolle bëjnë gati 2 km rrugë e kemi dimër përpara. Me e tmerrshmja nuk kanë asnjë kosh për edhe pse taksat ua marrin.
Edhe njëherë u bëjmë thirrje se nëse deri te premten të paktën koshat nuk sillen ne fshat, te gjithë banoret do tua lëne në derë të Njësisë Administrative”, shkruan Korreshi.
Ndërsa paralajmëron edhe protesta në ditët në vazhdim.
