Banorët janë shprehur të tmerruar nga lëkundjet e tërmetit që përfshinë një pjesë të vendit tonë. Tërmeti me magnitudë 4.7 të shkallës Rihter shkundi Shqipërinë në orën 22:37 gjatë mbrëmjes të së dielës, ndërsa u pasua nga 8 pasgoditje gjatë natës dhe mëngjesit. Duke folur për Top Channel, një pjesë e banorëve kanë treguar se kanë kaluar natën jashtë për shkak të lëkundjeve të vazhdueshme.
“Goxha ishte, me sa shoh në pedonale kryesore nuk ka, ishte i frikshëm, mirë që ishim zgjuar”, tha një banor.
“Shumë i fortë ishte, frikë kemi se nuk i dihet bo vaki ka edhe goditje të tjera, që në 2019 kemi probleme”, tha banorja.
“U trembëm, pallati ka pësuar shumë dëmtime, plasaritje, tani sa e pashë”, tha një banor tjetër.
“U tmerruam sa kishim rënë në gjumë, thamë se na zu brenda, shtëpia është çarë, ka ra tavani”, tha banorja.
“Kemi dalë përjashta krejt, ka bërë dëmtime”, tha një e moshuar.
“Jashtë e kaluam, nga frika dridhjet, nuk rrinim dot Brenda, grupet nuk kanë ardhur akoma”, tha një banor.
“Kemi dalë jashtë”, tha një tjetër banor.
Discussion about this post