Ndërsa situata te “5 Maji” a vjen bëhet edhe më e rëndë, banorët zgjedhin çdo lloj mënyre për të bërë rezistencë dhe për të penguar fadromat të prishin shtëpitë. Një i moshuar i ka prekur të gjithë me përpjekjet e tij për të mbrojtur banesën nga shembja. Duke vënë në rrezik jetën, ai ka hipur në parmakun e dritares, ndërsa disa persona të tjerë e mbajnë nga këmbët që të mos bjerë nga kati i dytë. Duke bërtitur, ai kërkon që tek ta të shkojë kryeministri Edi Rama, ndërsa ndaj këtij të fundit nuk i ka kursyer për asnjë moment ofendimet.
“O Edi Rama, o Sllobodan, o kriminel, o ortodoks i ndyrë, largohu. Largohuni nga shtëpia, kam mbi 30 vjet këtu. Le të vijë Edi Rama këtu. Le të vijë. Bjereni këtu. Ky është turpi juaj. Jeni hajdutë. Pushtet i fëlliqur, pushtet i ndyrë”, thotë i moshuari.
Ndërsa shprehet se shtëpia e tij mund të shembet vetëm nëse fadormat kalojnë mbi trupin e tij.
Discussion about this post