Banorja në Bërxullë kërcënon me vetëflijim. Ajo shtë ulur këmbëkryq në rrugën dhe në një prononcim për mediat thotë se pronën e saj do ta mbrojë me gjak. Gruaja që ka një fasho në faqe kërkon që përfaqësues të institucioneve të shkojnë dhe të ballafaqohen me ta.
“Unë një ditë do të vdes. Do vdes një ditë, nuk ka asgjë nëse vdes sot. Unë pronën time do ta mbroj me gjak. Le të vijë qeveria, le të ballafaqohet me ne. Ne nuk jemi kosh plehnash., Nuk bëjmë luftë me asnjë njeri. Kush vjen këtu merr përgjigjen e duhur. 6 muaj nuk janë pak, po na ikën truri i kokës,”- thotë ajo.
Banorët e Bërxullës kanë 6 muaj që protestojnë kundër ndërtimit të aksit ‘Thumanë-Kashar’, segmenti 20.9 kilometrash pjesë e autostradës Milot –Fier. Me ndryshimin e projektit banorët deklarojnë se parashikohet të shemben banesat e tyre.
Ato nuk bien dakord me vlerën e shpronësimit për banesën dhe tokën. Të vendosur, thonë se ato do të mbrojnë tokat e tyre deri në vetëflijim, dhe se nuk do të lejojnë firmën ‘Gener 2’ të futet në tokat e tyre, pa arritur më parë një marrëveshje me to.
Discussion about this post