Ka përfunduar në barazim pjesa e parë ndërmjet skuadrës së Tiranës dhe Teutës. Në “Elbasan Arena” nuk pati fitues teksa skuadrat realizuan secila nga një gol. Kryeqytetasit e nisën mirë këtë përballje pasi kaluan në avantazh me anë të sulmuesit Xhixha i cili përfitoi nga grushtimi i gabuar i topit nga portieri Qirko dhe shënoi duke kaluar në avantazh skuadrën bardheblu.
Në minutën e 16 të takimit, Ivanoviç dërgoi në rrjetë një top perfekt të Kallakut duke dërguar shifrat në 1-1. Një lojë e balancuar në “Elbasan Arena” teksa në fraksionin e dytë të dyja skuadrat do të tentojnë të marrin maksimumin nga kjo ndeshje.
