Java e 16-të e Superiores zhvilloi dy ndeshjet e fundit të kësaj xhiroje. Barazim 1-1 në “Arenën e Demave” ndërmjet Partizanit dhe Egnatias. Takimi nisi me mjaft intensitet, teska Cara “flirtoi” me golin që në minutën e gjashtë, por portieri i mohoi festën. Të kuqtë realizuan pas 33 minutash lojë, Mba ndëshkoi kundërshtarin me një goditje tokazi, në brendësi të zonës, duke mos i dhënë asnjë mundësi “gardianit” Dobjani.
Kampionët e Shqipërisë u futën në pjesën e dytë me shumë dëshirë. Ujka provoi me një goditje nga distanca në të 62-tën, por Qirko në vendin dhe kohën e duhur, i tha jo.
Tensioni ishte i pranishëm në pjesën e dytë, kur Egnatia në disavantazh vendosi të reagojë. Fillimisht trajneri i Partizanit, Veselinoviç u largua me karton të kuq pasi mori dy të verdhë.
Më pas episodi kulminant i ndeshjes ishte në minutën e 90-të. Bakajoko shënoi një super gol me roveshatë dhe festoi përpara tifozëve të kuq duke krijuar tension. Për heqjen e fanellës dhe festën, kryesori Shahini i dha karton të kuq.
Goli u pa për pozicion jashtë loje për rreth tri minuta, ndërsa goli u konsiderua i rregullt dhe loja vazhdoi.
Partizani kryeson kampionatin ndërsa Egnatia është në vendin e 3-të.
PARTIZANI 1-1 EGNATIA
32′ Mba – 90′ Bakajoko
90’ GOOOL! Partizani 1-1 Egnatia/ Bakajoko barazon me një super gol me roveshatë. Sulmuesi i Egnatias feston para tifozëve të Partizanit me fanellën e hequr. Kryesori Shahini jep një karton të verdhë për fanellën dhe një tjetër për festën e Bakajokos duke e larguar me karton të kuq. Rasti shihet për rreth 3 minuta nga VAR.
32’ GOOOL! Partizani 1-0 Egnatia/ Të kuqtë gjejnë avantazhin me Mban. Është Rrapaj që e nxjerr të vetëm sulmuesin e Partizanit, i cili dërgon topin mes këmbëve të Dobjanit duke e mposhtur.
(VIDEO)
Partizani: Qirko, Hadroj, Preka, Sembene, Domgjoni, Ismaili, Mehmeti, Rrapaj, Zeka, Mba, Cara
Trajner: Aleksandar Veselinoviç
Egnatia: Dobjani, Dylis, Veseli, Xhemajli, Fangaj, Aleksi, Zejnullai, Ndreca, Lushkja, Bakajoko, Ukja
Trajner: Edlir Tetova.
gijotina.com/
Discussion about this post