Barazim me Ishujt Faroe, Gjimshiti: Përmbushëm dy objektivat

Berat Gjimshiti, kapiteni i kuqezinjve, ka folur pas barazimit 0-0 që Shqipëria arriti në “Air Albania” përballë Ishujve Faroe.

Ai tha se objektivat e kombëtares ishin kualifikimi në Euro2024 dhe renditja si të parët në grup.

“I kemi arritur të dy objektivat”, tha Gjimshiti. Në vijim ai u shpreh se Ishujt Faroe ishin një ekip me fizik.

“Nuk pati asnjë nënvlerësim të ndeshjes nga ana jonë, ndoshta ishim pak të lodhur nga ndeshja e parë që luajtëm në Moldavi, ndërkohë që Ishujt Faroe ishin më të freskët”, tha Gjimshiti.