Skënderbeu dhe Dinamo kanë zhvilluar sot një ndeshje miqësore në Korçë, si pjesë të përgatitjeve të tyre për sezonin e ri.
Një sfidë ku të dy trajnerët kishin mundësi të shihnin gjendjen e futbollistëve dhe se si po integrohen në ekip blerjet e reja.
Në të dy skuadrat kishte lojtarë të afruar së fundmi që zbritën në fushë nga minuta e parë, në një ndeshje mes dy ekipeve të cilat në sezonin e ri do të jenë rivale në Superiore dhe jo më në Kategorinë e Parë siç ishin në edicionin e fundit.
Ndeshja mes dy prej klubeve që kanë marrëdhënie të shkëlqyera me njëri-tjetrin u mbyll me barazimin 1-1, me Denison që shënoi për Dinamon në startin e takimit, kurse shifrat u barazuan në fundin e duelit nga Prençi.
Discussion about this post