Finalja e UEFA Europa League mes Sevillas dhe Romës do të vijojë të luhet edhe pas kohës së rregullt, si rrjedhojë e barazimit një me një mes të dy ekipeve.
Dueli që po zhvillohet në “Puskas Arena” të Budapestit, do të vazhdojë dhe për, të paktën 30 minuta të tjera.
Ju kujtojmë se në pjesën e parë, Roma kaloi në avantazh me anë të Paulo Dybalas (35’).
Barazimi i andaluzëve, erdhi si rrjedhojë e një topi të devijuar në portën e tij nga mbrojtësi i italianëve, Mancini (55’).
Të dyja skuadrat kërkuan golin e epërsisë por, mungesa e saktësisë bëri që rezultati të mos lëvizte.
Tashmë pritet që në shtesë, skuadrat të jenë të kujdesshme për të mos pësuar duke parë që çdo gabim mund të rezultojë fatal.
Discussion about this post