Shqipëria mori barazimin 0 me 0 me Ishujt Faroe një ditë më parë, por tifozët prisnin një fitore që festa të ishte më e plotë, edhe pse kuqezinjtë janë kualifikuar në Euro 2024 dhe mbajnë vendin e parë në grup.
Por Presidenti i FSHF, Armand Duka, i ftuar në studion e emisionit Opinion në Tv Klan, thotë se lojtarët nuk hynë në fushë me mentalitetin e duhur dhe se e menduan lehtë për shkak të kualifikimit një ndeshje më parë me Moldavinë.
“Ky ka qenë edicioni më i mirë që ka bërë Kombëtarja Shqiptare, uroj që të kemi stabilitet në të ardhmen. Ka qenë më i mirë me rezultatet, gola të bukur. Do të ishte shumë mirë nëse do kishte fund të lumtur dje. Duke qenë se siguroi kualifikimin në Moldavi, nuk kanë hyrë me mentalitetin e duhur, me impenjimin e duhur që nuk ka skuadra të dobëta, e kanë menduar lehtë me një këmbë në festë, me mendjen totale në festë. Nuk mund të them nënvlerësim, por vetë ndjesia e brendshme për festën dhe e mendon shumë të lehtë atë ndeshje”, u shpreh Armand Duka.
Shqipëria mban vendin e parë në grup për Kampionatin Europian 2024 në Gjermani.
Discussion about this post