Barazimi me Milan duket se ka rënduar shumë mbi trajnerin e Juventus Massimiliano Allegri, i cili nuk i ka kontrolluar dot të sharat. Kjo për shkak se rezultati i takimit të ditës së dielë e lë Juven në vendin e 18-ë të Seria A.
Alvaro Morata e kaloi ‘Zonjën e Vjetër’ në avantazh herët, por Milani u kundërpërgjigj për të marrë një pikë, me anë të goditjes me kokë të Ante Rebic.
Barazimi i kësaj sfide i la 36 herë kampionët italianë me fillimin e tyre më të keq pas katër ndeshjeve që nga viti 1961.
Ndërkohë trajneri i Bardhezinjve u filmua nga një tifoz duke qëlluar tunelin e Stadiumit Allianz në momentin që u mbyll ndeshja.
Thuhet se Allegri ka bërtitur ‘për dreq, ju po luani për Juventusin!’ teksa largohej nga fusha.
Duke folur për mediat pas lojës, trajneri deklaroi: “Pavarësisht një pjese të parë të mirë, kur krijuam raste dhe i lejuam Milanit vetëm një mundësi, ne madje rrezikuam humbjen në fund të një loje që kishte qenë nën kontroll të plotë.”
Me vetëm dy pikë nga katër ndeshje, Juventusi përballet me Spezia të mërkurën dhe më pas ka ndeshjen e Champions League kundër Chelseas së shpejti./K.T/Gijotina.com
