Barcelona është shumë pranë arritjes së akordit me futbollistin e talentuar Pedri për të rinovuar kontratën. Katalanasit janë në tratativa të avancuar dhe shumë shpejt pritet që palët të ulen dhe të firmosin zgjatjen e bashkëpunimit. Spanjolli gëzon një formë të shkëlqyer dhe klubi po nxiton për të mos lejuar ekipet e tjera t’i afrohen yllit të tyre.
Referuar mediave spanjolle palët do të arrijnë ditët në vijin marrëveshjen e re deri në vitin 2026. Barcelona e ka në qendër të projektit mesfushorin e avancuar dhe është e gatshme t’i plotësojë kërkesat financiare. Ajo që dallon në këtë histori është klauzola e largimit të lojtarit.
Aktualisht kontrata e futbollistit ka një klauzolë prej 400 mln eurosh teksa referuar mediave ndërmkombëtare me rinovimin e kontratës shërbimet e Pedrit do të vlerësohen në 1 miliardë euro, shifër e cila nuk mund të paguhet nga asnjë skuadër.
