Situata e mesfushorit të njohur francez ka ndryshuar drastikisht brënda dy vitesh. Fjala është për Ngolo Kante, i cili nga mesfushor mbrojtës sensacional, i krahasuar deri me një legjendë të këtij roli si Claude Makelele, është bërë tashmë një lojtar që dëmtimet po ja kushtëzojnë karrierën.
Pikërisht këto probleme të njëpasnjëshme duket se kanë bërë të harrohet se Çelsi ka në grup një prej mesfushorëve mbrojtës më të fortë në botë, ndonëse ai është në skadencë kontrate në 30 qershor 2023 dhe në Londër askush nuk është kujtuar që t’i ofrojë atij rinovimin.
Por Barcelona e Juventusi janë shumë të vëmendshme ndaj Ngolo Kantesë dhe kanë nisur sulmin ndaj tij.
Katalanasit janë në avantazh pasi i kanë ofruar 4 vite kontratë, ndërsa Juvja është ndalur në 2, plus një vit të tretë me kushte, ndonëse në Torino peshon mbi të gjitha të mos pasurit siguri nëse do të jenë në Kupat e Europës, sezonin e ardhshëm apo jo.
Ndërkohë që te Barça, Kante do ta kishte të sigurt pjesëmarrjen në Champions.
Discussion about this post