Barcelona ka shënuar fitoren e radhës në La Liga. Katalanasit triumfuan minimalisht 0:1 në udhëtim ndaj Gironas në kuadër të javës së 19-të në La Liga.
Ishte Pedri i cili realizoi golin e vetëm të ndeshjes në minutën e 61-t. Barcelona hasi në mbrojtje shumë të fortë të vendasve, të cilët përveç rastit të golit u treguan fantastikë në fazën defenzive.
Madje, në 10 minutat e fundit, Girona mori dominimin e ndeshjes dhe pati disa raste të mira shënimi, por pa sukses.
Me këtë fitore, Barcelona tani shkon në kuotën e 47 pikëve në vendin e parë, gjashtë më shumë se Real Madridi që luan nesër ndaj Real Sociedadit.
Discussion about this post