Kanë përfunduar ndeshjet e mbrëmjes në UEFA Champions League, takime të vlefshme për fazën e grupeve.
Interesi i mbrëmjes ishte në takimin Bayern Munich – Barcelona, që u mbajt në ‘Allianz Arena’. Katalanasit erdhën në këtë përballje për të luajtur gjithçka për të mbajtur gjallë ëndrrën e kualifikimit në Champion League, por u ndalën nga bavarezët me rezultatin 3-0.
Muller dhe Sane do të shënonin në pjesën e parë, duke e dërguar Bayerinin në avnatazh, dhe sërish gjermanët do të gjenin rrjetën me Musialën në minutën e 62’, me shifrat finale të takimit që u mbyllën në 3-0.
Shpresa e Barcës ishte në përballjen e Benfikës me Dinamon e Kievit, duke shpresuar një paraqitje të mirë të këtyre të fundit ku do ti mundnin portugezët, por edhe kjo sfidë përfundoi në favor të Benfikës me rezultatin 2-0. Në këtë fazë, tani skuadrës së Xavit i mbetet të përgatitet për të garuar në turneun e një niveli më të ulët, atë të Europa League.
Manchester United u përballë këtë mbrëmje me Young Boys, në takimin që u mbyll në barazimin 1-1. Skuadra e Ragnick edhe pse ishte e para që kaloi në avantazh, Young Boys barazon në fundin e pjesës së parë, duke i hequr mundësinë e tre pikëve të plota anglezëve nga kjo përballje.
Rezultatet e mbrëmjes:
- Bayern Munich – Barcelona 3-0
- Benfika – Dinamo Kiev 2-0
- Manchester United – Young Boys 1-1
- Salzburg – Sevilla 1-0
- Wolfsburg Lille 1-3
Discussion about this post