Edhe pse Pedri duket se është i lindur për t’u bërë legjendë e Barcelonës, kjo nuk do të thotë që nuk ka interes nga klubet e tjera për mesfushorin spanjoll.
Duket e vështirë ta mendosh Pedri-n me një fanellë tjetër përveç asaj të Barcelonës, por drejtuesit e Manchester City do provojnë transferimin e tij drejt “Etihad” në merkaton e verës, sipas raportimeve që vijnë nga disa media angleze.
Pedri pëlqhet shumë nga Pep Guardiola. Perspektiva për të pasur një mesfushor me profilin e tij është një prioritet kryesor për City-n, i gatshëm të bëjë një ofertë të konsiderueshme për të bindur skuadrën katalanase. Klubi anglez, i mësuar me investime të mëdha, e di se blerja e lojtarit spanjoll nuk do të jetë e lehtë, por është i vendosur të paktën ta provojë.
Pavarësisht interesimit të Manchester City-t, Barcelona është e qetë dhe as që e mendon shitjen e një lojtari si Pedri, i cili është i destinuar të bëhet simbol i klubit katalanas.
Discussion about this post