Barca e City fitojnë me përmbysje, PSG barazon në sekondat e fundit

Atletico Madridi ka siguruar biletën për 1/16 e Champion League pas fitores në Roterdam, me rezultatin 3:1 ndaj Feyenoord-it.

Lutsharel Geertruida (14′ – autogol), Mario Hermoso (57’) e Tomas Gimenez (81’ – autogol) shënuan për fitoren e skuadrës nga Madridi. Mats Wieffer (77’) shënoi për Feyenoordin.

Manchester City bëri përmbysjen e madhe, duke fituar me 3:2 ndaj Leipzig-ut. Skuadra gjermane ka avancuar me 0:2 me golat e futbollistit Lois Openda (13’ e 33’).

Por, City zgjohet në pjesën e dytë duke shënuar tre herë përmes Erling Haaland (55’), Phil Foden (77’) e Julian Alvarez (87’).

PSG nuk shkoi më shumë se një barazim me rezultatin 1:1 me Newcastlen. Futbollisti Alexander Isak shokoi PSG-në në Paris, duke shënuar në minutën e 25-të.

Në minutën e 90+8, Kylian Mbappe nga penalltia ka barazuar rezultatin (1:1).

Barcelona ngadhënjeu me përmbysje me rezultatin 2:1 ndaj Portos.

Pepe realizoi në minutën e 30-të, por Barcelona e barazoi shpejt, pas vetëm dy minutave (32’) me golin e Joao Cancelo. Në minutën e 57-të, Joao Felix shënon për fitoren e Barcelonës.

Young Boys i ka dhënë goditje të fortë Cërvena Zvezdës së Beogradit, duke e hedhur në “nokaut” e humbur shpresat edhe për vend të tretë. Young Boys ka shënuar fitore me rezultat 2:0 ndaj Zvezdës.

Golat i realizuan Nedelkoviq (autogol 8’), Lewin Blum (29’). Young Boys ka siguruar një vend në garat e Europa League.