Presidenti i Barcelonës, Juan Laporta ka kontaktuar Mino Raiolan ditët e fundit për të filluar negociatat për transferimin e Paul Pogbas verën e ardhshme.
Laporta dëshiron të përfitojë nga miqësia që e lidh me italianin për të mbyllur ardhjen e francezit siç bëri në të kaluarën me Ibrahimovic dhe duket se ai nuk e ka pritur përgjigjen e agjentit.
Real Madridi ka gjetur akordin me lojtarin në mënyrë që ai të zbarkojë falas verën e ardhshme. Duket se Pogba ka dëshiruar gjithmonë të veshë fanellën e bardhë dhe ai është i vetëdijshëm se ky është shansi i fundit për ta arritur atë.
Francezi e di mirë se Real Madridi po përgatit një projekt fitues të kryesuar nga Mbappe dhe dëshiron të jetë një pjesë e rëndësishme në këtë ekip të ri.
Ndërsa Raiola nga ana e tij ia ka bërë të ditur vendimin e lojtarit Laportas dhe si pasojë e ka të pamundur të ulet dhe të negociojë./K.T/Gijotina.com
