Barcelona kërkon zëvendësuesin e Busquets, sytë te braziliani i Newcastle

Sergio Busquets i dha lamtumirën Barcelonës, duke lënë një hapësirë boshe të madhe në mesfushën e fituesve të Kampionatit Spanjoll.

Kapiteni spanjoll pritet të vazhdoj karrierën në një vend tjetër, ndërsa Barcelona tanimë ka nisur punën për ta gjetur zëvendësuesin e tij.

“The Times” ka raportuar se mesfushori brazilian i Newcastle United, Bruno Guimaraes është në krye të dëshirave të Barcelonës për ta zëvendësuar Sergio Busquets. 25-vjeçari ka një vit e gjysmë në Premier League dhe ka qenë një lider i Newcastle këtë edicion.

Megjithatë media angleze ka raportuar se Barça është e gatshme të shpenzojnë deri në 100 milionë euro për transferimin e brazilianit në Camp Nou.

Newcastle mund të pranojë ofertën prej 100 milionë euro për shitjen e Guimaraes në mënyrë që ta rregulloj bilancin e ‘Fair Play financiar’.