Klubi i Barcelonës ka bërë me dije sot se të mërkurën sulmuesi Sergio Aguero do të dalë në një konferencë për mediat, ku do të flasë për të ardhmen e tij.
Argjentinasi pritet t’i japë lamtumirën futbollit të luajtur për shkak të shqetësimit që shfaqi në zemër.
Në ndeshjen kundër Alaves, javë më parë, 33-vjeçari u detyrua të dilte nga fusha pas shqetësimit që pati dhe u pa të mbante dorën në gjoks.
“Këtë të mërkurë (12:00), do të zhvillohet konferenca për shtyp e Sergio Kun Agueros në ambientet e “Camp Nou-t” për të shpjeguar të ardhmen e tij. Në këtë ngjarje do të marrë pjesë edhe Joan Laporta, presidenti i Barcelonës”,-njoftoi klubi ‘Blaugrana’.
Rikujtojmë se Kun Aguero ka luajtur vetëm 166 minuta në kampionat dhe Champions League me Barcelonën në 5 takimet që është aktivizuar, duke shënuar dhe 1 gol në La Liga, ndërsa ai u bashkua me spanjollët gjatë merkatos së verës.
Sulmuesi ka një karrierë të pasur, teksa ka luajtur për shumë vite me Manchester City dhe Atletico Madrid si dhe është shpallur nënkampion bote me Argjentinën në vitin 2014 dhe ka fituar 5 tituj kampion në Angli./K.T/Gijotina.com
Discussion about this post