Joan Laporta, presidenti i Barcelonës, foli gjatë eventit “Gran Gala” të organizuar nga “Mundo Deportivo”. Ai shprehu hapur dëshirën për të fituar Kampionatin spanjoll këtë sezon, dhe rruga që të çon drejt titullit është ajo e duhura deri më tani.
“Po bëjmë mirë, në fillim të sezonit nuk do ta kishim menduar se do të ishim në krye të tabelës me 53 pikë, tetë pikë më shumë se vendi i dytë. Na duhet ende shumë punë, përkushtim dhe vetëm përkushtim”, u shpreh presidenti i klubit katalanas pa harruar të vlerësojë trajnerin e ekipit Xavi Hernandez:
“Xavi po punon shumë mirë, ai erdhi në ekip në një kohë të vështirë dhe ka bashkuar shumë lojtarë në mënyrë fantastike. Këtë vit ëndërroj të fitoj La Ligën, jemi në rrugën e duhur. Dua një ekip si bordi im i drejtuesve ose si punonjësit që ndihmojnë një kompani që të rritet, i dua të bashkuar”, është shprehur Laporta.
Discussion about this post