Skuadra e Barcelonës e ka të pamundur të dalë nga kriza e rezultateve. Pas disfatës ndaj Real Madrid, katalanasit kanë humbur një tjetër sfidë. Blaugranat u mundën në transfertë ndaj Rajo Vajekanos me shifrat minimale 1-0. Vendosi goli i Radamel Falcao në pjesën e parë të lojës. Miqtë kishin shansin të barazonin por Depay gaboi nga penalltia. Kur të gjithë prisnin reagimin e skuadrës së Barcelonës pas humbjes në “El Klasiko” erdhi shuplaka e radhës për skuadrën e trajnerit Roland Kuman.
Holandezi është shumë pranë shkarkimit nga posti i trajnerit pas rezultateve negative këtë sezon teksa champions dhe kampionati konsiderohen si çështje të mbyllura për këtë sezon. Një kaos total ka përfshirë Barcelonën ku largimi i Leo Messit ka lënë një boshllëk të madh në sulm.
