Barcelona nuk di të gjejë rrugën e fitores as në kampionat. Pas eliminimit nga Champions League, katalanasit morën vetëm një barazim përballës Osasunës në La Liga.
Barcelona shënoi e para me Nico Gonzalez. Për 19-vjeçarin ky ishte goli i parë me ekipin e parë. Osasuna nuk u dorëzua dhe barazoi shumë shpejt me golin e David Garcia.
Për t’i dhënë avantazhin katalanasve mendoi sërish një debutues në gol, 19-vjeçari Ez Abde.
Pikërisht afër fundit të ndeshjes, Osasuna shënoi edhe golin e barazimit dhe blaguranët nuk u mjaftuan me 5 minutat e shtesës për të marrë një fitore.
Me këtë rezultat, Barcelona ndodhet në vendin e tetë në kampionat me vetëm 24 pikë të grumbulluara. Osasuna ndodhet vetëjm 2 pikë pas, në vendin e 10-të.
Discussion about this post