Barcelona ka nënshkruar me sulmuesin holandez Luuk De Jong nga Sevilla në huazim për një sezon, pasi francezi Antoine Griezmann u largua nga Camp Nou për t’u bashkuar me Atletico Madrid me një marrëveshje të ngjashme.
Barça do të paguajë pagën e 31-vjeçarit De Jong këtë sezon dhe do të ketë një opsion për ta bërë qëndrimin e tij të përhershëm verën e ardhshme.
Atletico nga ana tjetër merr pagën e Griezmann po me këtë afat, por ekziston një klauzolë e detyrueshme për ta bërë transferimin të përhershëm. 30-vjeçari kthehet në Atletico dy vjet pasi u bashkua me Barçën për 107 milionë euro.
Sulmuesi francez shënoi 133 gola në 257 ndeshje për Atletico, duke fituar Europa League, Super Kupën e UEFA-s dhe Super Kupën e Spanjës.
Por francezi shënoi vetëm 35 gola në 102 ndeshje dhe arriti të fitojë vetëm Copa del Rey me Barçën.
Verën e kaluar, Atletico nënshkroi me sulmuesin Luis Suarez nga Barcelona dhe ai ndihmoi skuadrën e Diego Simeone të fitonte La Ligan, ndaj afrimi i Griezmann duket një përforcim i metëjshëm./Gijtona.com
