Barcelona është matematikisht kampione e Spanjës për sezonin 2022/23, pas fitores në kampionat kundër Espanyol me rezultatin 2-4.
Skuadra e Xavi Hernandez nuk u kursye kundër rivalëve në derbi, duke gjetur tre herë rrjetën që në pjesën e parë.
Edhe pjesa e dytë nisi më së miri për blaugranat të cilët shënuan dhe golin e katërt (Kounde), ndërsa bardheblutë u ngushëlluan me golat e Puados në minutën e 73’ dhe të Joselu në minutën e 92’.
Ky është titulli numër 27 i La Ligës për Barcelonën, ndërsa i pari për Xavin si trajner.
Gjithashtu, ky është titulli i parë kampion i Spanjës për polakun Lewandowski, pas sukseseve të shumta në Gjermani, me BVB Dortmund e Bayern.
Discussion about this post