Skuadra e Barcelonës vendosi një klauzolë prej 1 miliardë euro për futbollistin e talentuar Pedri. Katalanasit i druheshin ofertave të klubeve të mëdha europiane dhe vendosën të blindonin përfundimisht spanjollin. E njëjta situatë paraqitet edhe për talentin tjetër të skuadrës, Fati. Sulmuesi portugez u rikthye pas një dëmtimi të gjatë dhe trashëgoi fanellën me numrin 10 që mbahej dikur nga Lionel Messi.
Me kete futbollist ende nuk ka akord por mediat spanjolle nënvizojnë se drejtuesit e skuadrës do t’i vendosin të njëjtën klauzolë si Pedri në mënyrë që Fati të mos largohet për asnjë arsye nga “Kamp Nou”. Natyrisht që asnjë skuadër në botë nuk mund të ofrojë 1 miliardë euro për cilindo futbollist. Është një shifër tej normales.
