Mëngjesin e sotëm janë shkarkuar dy administratorë të Bashkisë Shkodër.
Bardh Spahia ka marrë vendimet e para në krye të bashkisë së Shkodrës, duke shkarkuar kështu nga detyra Altin Shabaj administrator në njësinë administrative Postribë dhe Gjovalin Drragjati administrator në Dajç.
Administratori emërohet dhe shkarkohet nga kryetari i bashkisë dhe është përgjegjës para tij për funksionimin dhe veprimtarinë e administratës. Pasi Bardhi ka firmosur shkarkimin e tij ka reaguar Gjovalin Darragjati, i cili përmes një reagimi në rrjete sociale ka shkruar se shkresa e cila sipas tij u përcoll dorazi përmbante tone kërcënuese.
Në një postim në Facebook, Darragjati shkruan se shkresa e shkarkimit jo vetëm nuk përmban ndonjë motiv dhe arsyetim, sikurse e kërkon kodi i punës, por ka një ton të përsëritur dy herë, kërcënues ndaj një punonjësi të administratës së bashkisë Shkodër.
Ai i ka bërë thirrje Bardhit të kërkojë falje për gjuhën e padenjë të përdorur, ta tërheqë shkresën e parë dhe të riformulojë denjësisht një shkresë të dytë. Më tej ai thotë se me urrejtje, hakmarrje, ndasira dhe qoka, nuk ke për të shkuar askund, as deri në fund të vitit shtesë të mandatit tuaj kolektiv.
Discussion about this post