Kryetari aktual i bashkisë Shkodër, Bardh Spahia konfirmohet sërish si kandidat i përzgjedhur nga Primaret që u zhvilluan sot. Në 3 qendrat e votimit në Shkodër Spahia mori 1386 pro, 6 kundër ndërsa të pavlefshme 5 vota.
Ndërkohë që pjesëmarrja totale për Shkodrën ishte 1397 votues nga mbi 4 mijë që ishin në listë me të drejtë vote si anëtarë dhe simpatizantë.
Sot u zhvillua procesi i votimit për zgjedhjen e demokratëve që do garojnë në zgjedhjet e ardhshme lokale të 14 majit. Ndërkohë që në 7 bashki ka vetëm nga 1 kandidat, pa mundësi zgjedhje për votuesit, ndërsa nuk ka zgjedhje në 4 të tjera: Pustec, Himarë, Finiq e Dropull.
Në këto bashki, kandidatët kanë sfidë jo vetëm të dalin fitues, por edhe të marrin gjysmën e votave të anëtarëve, pasi sipas rregullores së miratuar nga PD nëse kandidati nuk merr mbi 50% të votave, dy më të votuarit shkojnë në rivotim.
Discussion about this post