Drejtuesi politik për Partinë Demokratike në Qarkun e Fierit, Gazmet Bardhi u ka kërkuar votën banorëve të fshatit Boçovë në Fier për të ndëshkuar qeverinë Rama për keqqeverisjen dhe për t’i dhënë besimin koalicionit PD- ASHM.
Në një postim në rrjetin e tij social në Facebook, Bardhi shkruan se programi i emergjencës i PD-së është mirëpritur dhe se 11 Maji duhet të jetë një ditë ndëshkimi për mashtrimet 12 vjeçare të PS dhe një ditë besimi për ndryshimin me PD.
Postimi
Ndëshkim dhe besim
Shumë afër qytetit të Fierit, fshati i Boçovës është pasqyra e qeverisë së Edi Ramës. Shkollë e mbyllur. Kopësht i mbyllur. Qendër shëndetësore e mbyllur. Rrugë me gropa. Zero mbështetje. Njerëz të larguar. Shtëpi të braktisura. Papunësi. Zhgënjim.
Me kandidaten tonë Silva Hasaj nxitëm banorët që takuam për t’i dhenë një shans Partisë Demokratike në 11 Maj. Subvencionet për bujqësinë, rritja e menjëhershme e pensioneve mbi 200 euro edhe në fshat, lehtësimi nga taksat dhe investimet e shpejta në rrugët kryesore kanë për të ndikuar në përmirësimin e jetesës, në hapjen e vendeve të punës, në ndalimin e shpopullimit.
Më erdhi mirë që programi ynë i emergjencës ka zënë vend mes njerëzve, siç më thanë banorët kur na mikpritën në shtëpi. 11 Maji duhet të jetë një ditë ndëshkimi për mashtrimet 12 vjeçare të PS dhe një ditë besimi për ndryshimin me PD.
Discussion about this post