Drejtuesi politik i PD-së për qarkun e Fierit, Gazment Bardhi, këtë martë, ka denoncuar drejtorin e Policisë së Fierit, Skënder Hitaj, duke e akuzuar se ka dhënë urdhra ndaj vartësve të tij që të inskenojnë ngjarje dhe të pengojnë PD-në në fushatë.
Drejtuesi politik i PD në këtë qark, Bardhi, shprehet se për këto “janë informuar në kohë reale prokurorët e posaçëm dhe institucionet ndërkombëtare të monitorimit të zgjedhjeve”.
Ndër të tjera ai shkruan se Hitaj e ngatërron atë dhe kandidatët e PD-së me Belinda Ballukun, Ceno Klosin dhe Klevis Jahajn.
Denoncimi i Bardhit:
Skënder Hitaj, drejtori i Policisë së qarkut Fier, më ngatërron mua me Belindën, kandidatët e PD me Ceno-t dhe Klevis-t e Belindës dhe strukturat e PD me administratën e arrogantëve të sjell nga Tirana të Belindës
Mbi çdo urdhër të paligjshëm që ke dhënë sot (6 Maj) në mbledhjen informale me vartësit e tu, për të inskenuar ngjarje apo penguar PD në fushatë, janë informuar në kohë reale prokurorët e posaçëm dhe institucionet ndërkombëtare të monitorimit të zgjedhjeve.
Ska drejtor apo polici politike që ndryshon fatin që qytetarët i kanë paracaktuar Belindës tënde dhe shefit të saj Edi Rama. Ti thjesht po përcakton fatin tënd! Udhë e mbarë dhe kujdes nesër andej nga Mallakastra!
Discussion about this post