Mes kaosit dhe zhurmueseve zëvendëskryetarja e Kuvendit Ermonela Felaj po drejton votimin e çështjeve për rendin te ditës, në seancën e sotme plenare.
Ndërkaq, deputeti Gazment Bardhi e ka akuzuar atë se po kryen vepër penale pasi në sallë nuk ka kuorum të mjaftueshëm, pasi sipas tij ka vetëm 68 deputetë në sallë.
“Po falsifikon votimin! Ke 68 deputetë në sallë. Po kryen vepër penale. Po shkel Rregulloren, neni 55 pika 4. Po shkel Kushtetutën. Nuk ua falim këtë”, dëgjohet të thotë ai.
Ndërsa Ermonela Felaj iu përgjigj se ka kuorumin e nevojshëm për votim, duke shtuar se deputetët e opozitës shkojnë në Kuvend vetëmpër të prishur seancën.
“Që në fillim u kujdesa të theksoj se kishim kuorumin e përshtatshëm për të filluar seancën. Siç kishim dhe vazhdojmë të kemi kuorum dhe për votimin. Po të uleshit do t’i kishit ndjekur të gjitha këto gjëra, por në kushtet që ju krijoni nuk kam detyrim t’ju jap përgjigje juve që vini për të prishur seancën”, tha Felaj.
Discussion about this post