Gazmend Bardhi sekretar i përgjithshëm i PD, komentoi për herë të parë vendimin e kreut të PD Lulzim Basha për përjashtimin nga grupi parlamentar të Sali Berishës.
Bardhi tregon se ai ka qenë i pranishëm në takimet e Bashës me zyrtarët amerikane, dhe garanton se kryedemokrati e ka mbrojtur Berishën , por sipas tij nuk kishte një rrugë tjetër .
“Si çdo demokrat, ky vendim lëndon, por para se të japim një vendim emocional duhet që secili nga ne , nisur nga Basha deri te anëtari më i thjeshtë, duhet të kemi parasysh interesin e demokratëve.
Kjo ishte e vetmja rrugë nga informacionet që unë kisha,ishte i vetmi opsion për situatën e krijuar. S’do donim kurrë të ishim në këtë situatë. Sot vendi ka një minues të demokracisë dhe ai është Edi Rama .
Dua të ndaj dhe një info, që drejtimi i gishtit te PD sikur e keqja është aty, por e keqja është Edi Rama .
Këtu nuk ka një betejë mes Bashës dhe Berishës, Basha ka marrë një vendim i diktuar nga rrethanat në të cilat ishte PD, dhe në atë vendim ka shprehur vlerësimin ndaj figurës së Berishës .
Zyrtarisht në prezencë të zyrtarëve amerikanë Basha e ka thënë mos dakordësinë për vendimin e SHBA, ka mbajtur qëndrim në emër të PD në mbrojtje të Berishës. Berisha është në dijeni të rreziqeve që i kanoseshin demokratëve në rast mos vendimi, – tha Bardhi.
Gazment Bardhi ka deklaruar se kryeministri Edi Rama nuk është lumturuar nga fakti që kryedemokratin Lulzim Basha ka përjashtuar lideri historik të PD-së.
Sekretari i Përgjithshëm i Partisë Demokratike Gazment Bardhi ka deklaruar se kryeministri Edi Rama nuk është lumturuar nga fakti që kryedemokratin Lulzim Basha ka përjashtuar lideri historik të PD-së.
“Njeriu më i palumtur i këtij vendimi është Rama. Mua kështu më duket, mendoj unë. Është njeriu më i palumtur nga vendimi i marrë nga Basha. Është vlerësimi im, ju mund të keni një tjetër mendim, unë e shikoj kështu,”- tha Bardhi.
Bardhi deklaroi se madje Rama është njëriu më i palumtur për këtë vendim. I pyetur për arsyen, Bardhi tha se kështu mendon ai, është një këndvështrim i tiji.
