Delegatët e PD-së zyrtare i kanë dhënë sot Lulzim Bashës të drejtën për të drejtuar Grupin Parlamentar, duke miratuar ndryshimet në statut, sipas të cilave, kreu i partisë është edhe drejtues i grupimit parlamentar.
Në një reagim në rrjetet sociale, Gazment Bardhi ka thumbuar Lulzim Bashën duke shkruar “të jetosh në deziluzion, është fatkeqësi personale. Të mashtrosh me vetëdije të tjerët dhe mbi të gjitha veten, për të disatën herë, është e pafalshme!”.
“Mbi të gjitha, mos e gënjeni veten”, shkruan Bardhi.
Kuvendi Kombëtar i PD-së ka miratuar mesditën e sotme (2 gusht) Neni 48 që i jep kryetarit të partisë, Lulzim Bashës edhe postin e kreut të Grupit Parlamentar!
“Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar”, thuhet në statutin që u miratua nga delegatët e Bashës.
Kuvendi Kombëtar i mbledhur sot nuk njihet nga grupimi që kryesohet nga Gazment Bardhi, ndërsa nuk dihet se si do të vazhdojë përballja mes tyre dhe Lulzim Bashës.
Discussion about this post