Gazment Bardhi, kreu i Grupit Parlamentar të PD, ka reaguar pas akuzave nga deputeti i PD-së, Kreshnik Çollaku, sipas të cilit Edi Rama, Sali Berisha dhe Gazment Bardhi bashkëpunuan në Konferencën e Kryetarëve për të rrëzuar kërkesën e PD-së zyrtare për interpelancë me Kryeministrin.
Bardhi në reagimin e tij tha se nuk ka asnjë marrëveshje për të rrëzuar kërkesën e disa deputetëve për interpelancë me Ramën për Kosovën.
“Nuk ka asnjë marrëveshje në Konferencën e Kryetarëve, me PS-në për të rrezuar kërkesën e disa deputetëve për interpelancë me Kryeministrin për çështjen e Kosovës. Në konferencën e kryetarëve është rënë dakord që do jetë prezent në seancë Kryeministri dhe Ministri i Jashtëm për të dhënë sqarime.
Në këtë rast Kryetari i Kuvendit ka shfrytëzuar nenin 89 pika 2 te rregullores duke i grupuar çështjet”, deklaron grupi i PD.
Discussion about this post