Deputeti i PD-së, Gazment Bardhi i është përgjigjur kryebashkiakut të Divjakës, Fredi Kokoneshi i cili u shpreh se ndihej i kërcënuar. Bardhi teksa e cilëson trafikant qeniesh njerëzore Kokoneshin, shkruan se ai duhet të ishte në burg dhe jo kryebashkiak. Deputeti demokrat thekson se PD do të mbetet e vendosur për të pastruar politikën nga persona me rekorde kriminale.
“Lexova një reagim të një trafikanti qëniesh njerëzore të denoncuar nga vetë PS dhe mu kujtua Valdrin Pjetri dhe Agim Kajmaku në akuzat ndaj meje. Ishte e njëjta gjuhë dhe të njëjtat argumente. Zbatimi i ligjit të dekriminalizimit është prioritet dhe grupi parlamentar i PD ka qenë dhe do mbetet i vendosur për të pastruar politikën nga personat me rekorde kriminale. Trafikantët dhe të korruptuarit duhet të jenë në burg dhe jo në krye të institucioneve.”-shkruan Bardhi.
Kryebashkiaku socialist, Kokoneshi ka akuzuar sot deputetin Gazment Bardhi se po e shantazhin, pasi po i verifikohet prona e një resorti në Divjakë, ku sipas Kokoneshit, është strehë për demokratin.
“Akuza të përsëritura. Të njëjta më të vitit 2018. Ka një vendim të prokurorisë 15 korrik 2019 ku figura ime është e pastër, pas kontrolleve brenda dhe jashtë shtetit. Akuzat për shkak të një anëtari të këshillit kombëtar të PD, Dritan Stërkaj.
Resorti i tij Divjaka resort strehë e Gazmend Bardhit. Ashtu si i kam kallëzuar në prokurori, do t’i kallëzoj sërish! Gaz Bardhi do të më shantazhojnë, sepse po verifikoj pronat e Divjaka resort”, tha kryebashkiaku.
Discussion about this post