Bardhi i përgjigjet Ramës për ndërtimet pa leje: Boll shantazhove për llogari të 5 oligarkëve

Deputeti demokrat Gamzent Bardhi ka reaguar sërish për VKM-në për ndërtimet pa leje, duke i kërkuar kryeministrit Edi Rama të mos shantazhojë Gjykatën Kushtetuese për disa oligarkë.

Përmes një postimi në rrjetet sociale, Bardhi i kërkon Ramës të veprojë sipas ligjit për konfiskimin e pallateve pa leje, duke i kërkuar të dorëzojë para drejtësisë oligarkët.

“Aq shumë ka humbur lidhjen me realitetin, sa mendon që Këshilli i Oligarkëve është organ suprem në Shqipëri. Dikush duhet ta kthej me këmbë në tokë: Gjykata Kushtetuese duhet të garantojë barazinë përpara ligjit. Nëse qytetarët e zakonshëm shkojnë në burg për ndërtim pa leje, i njëjti rregull vlen edhe për oligarkët e tu. Zabto ligjin, konfisko kullat e krimit e korrupsionit që janë pa leje dhe dorëzo para drejtësisë ata oligarkë që me lejen tënde kanë ndërtuar pa leje. Boll shantazhove Gjykatën Kushtetuese për llogari të 5 oligarkëve që i ke dhënë statusin të paprekshëm”, tha Bardhi.