Sekretari i Përgjithshëm i Partisë Demokratike, Gazmend Bardhi nuk i ka kursyer ironitë në lidhje me kolegët e tij, mbështetës të ish-kryeministrit Sali Berisha që tentuan të hynin sot në selinë blu, por u hasën me dyer të mbyllura.
Në një komunikim për mediat, Bardhi tha se ata kanë nisur punë të re, inspektojnë dyert dhe dritaret e PD-së ndërsa shtoi se adesivët iu duken blinda.
“Ishin të nevojshme. Ne nuk do të qëndrojmë peng i axhendave personale të askujt. Strukturat e partisë janë funksionale. Deri para riorganizimit, PD ka pasur 4 funksionalë të saj, dhe tani ka më shumë se 10. Për të realizuar misionin e tij që është beteja e Edi Ramës. Disa kanë filluar punë të re, të inspektojnë dyert dhe derëtarët e PD. Adesivin e quajnë blind. Do lejohen të gjithë të shohin ambientet. Unë do jem në seli, të gjithë do të jenë në seli. Çdo demokrat ka qenë dhe do të jetë iu lejuar për të hyrë në PD. Trafikantët e drogës që shkelmojnë dyert e PD, të shpallur në kërkim për trafik droge, s’do të lejohen më që të hyjnë në selinë e PD. Kjo godinë ka 8 vite që bën luftë me regjimin e Ramës. S’mund të hyjnë në seli ata që kërkohen nga Britania e Madhe për drogë, dhe shfaqen krah Berishës”, tha Bardhi.
Më herët, Bardhi iu përgjigj akuzave të Nokës duke thënë se dyert e PD janë të mbyllura pasi po kryehen punime, dhe Noka duhet të marrë leje që të futet.
Discussion about this post