Deputeti i Partisë Demokratike, Gazment Bardhi ka folur për lëvizjet e fundit të grupit “Alibeaj”, i cili dorëzoi listën për anëtarë të KZAZ-ve, në kuadër të zgjedhjeve lokale. Bardhi tha se iu drejtuan KQZ-së, pasi është detyrim ligjor, duke shtuar se copëzimi i alternativës së opozitës e dëmton atë.
Mes të tjerash, Bardhi u shpreh i hapur për bashkëpunim me grupin e Berishës, për të arritur në një marrëveshje që të dilet me kandidatë të përbashkët për zgjedhjet e 14 majit.
“Së pari ky hap është i detyrueshëm ligjor, sipas ligjit. PD do të humbte mundësinë për të pasur përfaqësues në zgjedhje. Ka një diskutim mbi legjitimitetin e organeve brenda PD. Kjo është çështjes që e ka zgjidhur ligji. Për t’ju drejtuar KQZ të drejtën e ka vetëm PD. Për shkak të këtij konflikti, personalisht dhe i gjithë grupi parlamentar, ku bëj unë pjesë, kemi bërë përpjekje për të pasur një bashkëpunim, që jo për fajin tonë nuk është realizuar. Ne s’do e lëmë PD pa pasur përfaqësues të KZAZ-ve, pasi këto komisionerw do i merrte PS-ja. Kjo do të ishte e papranueshme për ne.
Zgjidhja
Copëtimi i PD e dëmton opozitën, ndaj e gjykoj që jemi akoma për të gjetur një zgjidhje që opozita të përfaqësohet me një kandidat të vetëm në zgjedhjet lokale Kam bërë përpjekje jo vetëm si i mandatuar, por dhe përpjekje personale për të zgjidhur këtë situatë.
Ne kemi dalë me një propozim konkret që është refuzuar. Por s’dua të paragjykoj askënd dhe s’dua të bëj fajtor dhe as krahun tjetër. Qëllim ynë është që të fitojmë sa më shumë bashki. Copëzimi i PD nuk e mundëson këtë objektiv. Ndaj caktojmë vijën e kuqe, që është mospjesëmarrja në zgjedhje. Do ishte dëm i madh nëse nuk jemi me një kandidat të përbashkët. Copëzimi i alternativës opozitare në zgjedhje, nuk favorizon përpjekjet opozitare”, tha Bardhi.
Discussion about this post