Bardhi kreu i grupit të PD, Paloka: Pas 3 javësh më në fund…

Edi Paloka, deputet i PD-së dhe një nga ligjvënësit demokratë që ka mbështetur me firmë, mbështetjen ndaj Gazment Bardhit si kryetar i Grupit Parlamentar, akuzoi Kryeministrin Edi Rama për situatën kaotike të krijuar në Kuvendin e Shqipërisë.

Paloka tha se me urdhër të Ramës për 3 javë rrjesht u zvarrit çështja se kush do të ishte kryetar i grupit parlamentar të PD-së, në një kohë që deputetët demokratë e kishin shprehur vullnetin e tyre. Por sipas Palokës, kjo situatë, u krijua pasi Ramës i intereson kaosi në rradhët e opozitës.

Pakola tha se edhe zonja Felaj u shpreh publikisht se ‘ne nuk kemi ndonjë dyshim se Gazment Bardhi është kryetar i grupit parlamentar’.

“Mbas 3 javësh dhe pasi numri më i madh i Grupit Parlament të PD-së dërgoi sot një shkresë konfirmuese për t’i dhënë fund kësaj stërgjatje të qëllimshme të mazhorancës, Felaj pohoi se kush është Kreu i Grupit Parlamentar”, tha Paloka.

Sipas tij, jo rastësisht për 3 javë u vijua me farsën qesharake dhe me justifikimin se po presin një përgjigje nga drejtoria juridike e parlamentit për çështjen e Grupit të Partisë Demokratike.

“Aty nuk ka nevojë që të ketë një përgjigje nga drejtoria juridike çështja është aq e qartë dhe ka  disa precedent ku i fundit ishte sot në Parlament me grupin e aleatëve tanë ku deputetët e atij grupi njoftuan se kanë vendosur si kryetar të tyre zotin Dashamit Shehi.

Pra nuk është një çështje që u ndodhen para një të papriture por kjo është zgjatur me urdhër të Ramës për të mbajtur një gjendje sa më konfuze opozitën edhe në Parlament.

Sepse është e njëjta edhe me partinë me gjykatat por në qoftë se aty Rama e ka më të lehte me atë formulën gjykatat janë të pavarura dhe unë s’kam çfarë bëj, në Parlament nuk e ka kë mundësi pasi duar e ponc-pilatit janë direkt të zhytyra në gjalb.

Rama nuk i lanë dot duart dhe të thotë nuk është përgjegjësia ime.

Më në fund edhe u përmbyll publikisht si çështje pasi zonja Felaj deklaroi se ‘ne nuk kemi ndonjë dyshim se Gazment Bardhi është kryetar i grupit parlamentar”, tha Paloka.