Bardhi kundër komisionin anti-korrupsion: Nuk luftohet me Taulant Ballën…

Kreu i Grupit Parlamentar të PD Gazment Bardhi u shpreh se PD nuk do të votojë krijimin e komisionit të Posaçëm anti-korrupsion

Ai është shprehur e ne nuk e dimë se çfarë ka realisht në atë projekt-vendim, pasi nuk ka asnjë gjë të cilësuar dhe ne nuk mund të votojmë diçka që nuk është fizikisht, por është vetëm në kokën e Ramës.

Bardhi shtoi se se nuk ka pasur konsultime për Rezolutën anti-korrupsion dhe as për ngritjen e Komisionit të Posaçëm parlamentar.

Më tej ai ka deklaruar në emër të Grupit Parlamentar të PD se nuk mund të luftohet korrupsioni nga një qeverie e cila pushteti i saj buron nga vetë korrupsioni.

“Kjo është qeveria më e korruptuar që ka pasur Shqipëria.

Ndërkohë që ishim në mbledhje, pasi ka një  teatër nga ana e PS, pasi bëmë publik se ka një projekt vendi madhe nuk e dimë objektin pasi ai është vetëm në kokën e Ramës dhe gjatë kohës që ishin në mbledhje kryetarja e kuvendit kërkonte një mbledhje me kryetari e grupit parlamentar të PD dhe të atyre që përfaqësojnë opozitën. Një kryetar kuvendi serioz nuk mund të fusë në rend dite një komision pa u konsultuar me opozitën, këta kanë dalë zbuluar me talljen që po bëhet me këtë çështje dhe ne me seriozitetin maksimal do t’i përkushtohemi shtetit ligjor, mirëqeverisjes dhe korrupsionit. Pa zgjedhje të lira dhe të ndershme nuk mund të luftojmë korrupsionin, dhe nëse e kanë seriozisht ta nisin nga lufta kundër korrupsionit zgjedhor.

Ne nuk ulemi me të ngjashmit e Arben Ndokës, pasi po të ishte në parlament ai do të ishte pjesë e këtij komisioni. Ne nuk mund të diskutojmë për të luftuar korrupsionin dhe mirëqeverisjen e vendit me një deputet si Arben Ndoka.

Keni dëgjuar ju të kërkojë ndjesë qytetarëve të Lezhës që për mirëqeverisjen i propozoi një përfaqësues si Arben Ndoka. AI akuzonte Bylykbashin që nuk donte reformën në drejtësi dhe Ndoka ishte simboli i reformës.

Me kë do ta luftoj unë korrupsionin me Taulant Ballën, Orgerta Manastirliun, Olta Xhaçkën, me kë ta luftoj, me këta që janë të gjithë pjesë e aferave korruptive. Unë nuk jam aty për të shplarë fytyrën e të gjithë korruptuarve që Rama i ka në qeveri dhe parlament.”, u shpreh ai.