Reperi i famshëm shqiptar, Bardhyl Idrizi, i njohur me emrin e artit Bardhi, edhe pse ka shumë pak kohë që është pjesë e showbizit shqiptar, ai ka qenë jo pak herë protagonist i mediave rozë.
Edhe pse reperi ka deklaruar se është single, pas fotos së fundit që po qarkullon në rrjetet sociale janë krijuar dyshime. Në foton e publikuar nga Indeksonline ai shfaqet duke ecur dorë-për-dore me një vajzë me flok bionde.
Dyshja është fotografuar me shpinë dhe për këtë arsye nuk dihet identiteti i vajzës që shoqëron artistin, teksa fotoja është shkrepur në Tiranë. Ndonëse mund të aludohet për një lidhje vlen të përmendim disa detaje që kanë tërhequr vëmendjen.
Fillimisht ata shihen se ndodhen në oborrin e një hoteli dhe në fund të fotos shihet një kabull. Ndoshta ata janë duke xhiruar një videoklip dhe foto të tilla përdoren si mjete marketingu, siç e kemi parë që ndodh shpesh nga këngëtarë të ndryshëm. Madje, ai ka publikuar edhe një video nga xhirimet e këngës me Dj Gimin dhe ambientet duken të ngjashme.
Kujtojmë se, një nga personazhet me të cilat Bardhi është përfolur gjithashtu për lidhje është Ana Lleshi, ish-konkurrentja e emisionit të dashurisë “Për’puthen”. Ata janë fotografuar prej dy vitesh bashkë por kanë mohuar të jenë në një lidhje.
“E përshëndes Anën. E kam shoqe të mirë. Ajo do ishte pjesë e një videoklipi tim por kënga u shty dhe nuk u bë më fare.”, tha reperi në një intervistë në janar të këtij vitit, duke shuar zërat për lidhje dashurie dhe se mes tyre ka vetëm miqësi.
Discussion about this post