Kryetari i Grupit Parlamentar të PD-së, Gazment Bardhi ka paditur në SPAK Belinda Ballukun, duke dorëzuar prova të shumta se si zëvendëskryeministrja e Edi Ramës është e përfshirë në korrupsion madhor.
Bardhi shprehet se nesër, lidhur me këto dokumente, do të ketë një konferencë për shtyp, ndërsa thekson se ditët në vijim do të ketë edhe më shumë prova që sipas tij faktojnë korrupsionin e Ballukut.
‘11.3 kg prova për korrupsionin e nr. 2 të qeverisë kam dorëzuar këtë javë në SPAK! Edhe më shumë do të jenë nga nesër! Ju ftoj të më ndiqni të Premten, ora 11:30 në një konferencë për shtyp!’, shkruan Bardhi në Facebook.
Postimi i plotë:
11.3 kg prova për korrupsionin e nr. 2 të qeverisë kam dorëzuar këtë javë në SPAK! Edhe më shumë do të jenë nga nesër! Ju ftoj të më ndiqni të Premten, ora 11:30 në një konferencë për shtyp!
p.s. S’i ka ecur fare Ramës me zëvendëskryeministrat!
Kujtojmë se PD ka depozituar disa padi në SPAK për Belinda Ballukun, ku një prej tyre është për korrupsionin me tunelin e Llogarasë, i cili ka kushtuar rreth 170 milionë euro në total dhe pretendohet se kostot janë fryrë me 30 milion euro, të cilat i kanë shkuar një kompanie turke, e cila nuk ka bërë asnjë punë.
Ndërsa një padi tjetër ka të bëjë me shit-blerjen e energjisë elektrike ku dyshohet se vetëm për një vit, abuzimi ka shkuar në mbi 180 milion euro.
Discussion about this post