Bardhi nga Devolli: Të gjithë në protestë, koha të përballemi…

Kryetari i Grupit parlamentar të PD, Gazment Bardhi dhe Sekretari i Përgjithshëm i selisë blu, Flamur Noka, kanë mbledhur paraditen e kësaj të diele, strukturat e PD-së në Devoll.

Në fjalën e tij para demokratëve, ndër të tjera Bardhi tha:

“Ka dy lajme të mira që lidhen me bashkimin e PD dhe të opozitës, si premisa kërkesa dëshira që vinte nga çdo anëtar dhe simpatizant i PD. Unë jam i bindur se edhe ju ndani të njëjtën mendim që ndoshta për gabimet e lidershipit me përçarjen tonë ne jua shtuam vështirësitë. Ju kaluat gjithë bashkë një betejë të pabarabartë, luftuat me kandidatin tonë këtu, ishit të gjithë të bashkuar rreth kandidatit dhe u përballet rreth një gare. Edhe pse rezultati nuk ishte ai që prisnim unë shoh vendosmërinë tuaj për të mos u dorëzuar, për t’u përballur dhe për të fituar në zgjedhjet e 2025.

Dhe ky pa dyshim është një frymëzim dhe na jep edhe neve atje lart në Tiranë, kurajo që ekzaktësisht këtë vendosmëri që gjejmë në Devoll ta shtrijmë në të gjithë Shqipërinë dhe të gjitha shanset dhe mundësitë janë pas aktit të ditës së hënë dhe sigurisht asaj që ndodhi të premten me bashkimin e koalicionit opozitar, që nëse ne nisim punë që sot, derë më derë, fshat më fshat, qytet më qytet dhe arrijmë të fitojmë mendjen dhe zemrën e qytetarëve të ndershëm të këtij vendi, që pa dyshim janë shumicë dhe janë njëlloj si të vendosur të përballen, Partia Demokratike e Shqipërisë, opozita e bashkuar duhet dhe do të jetë fituese në zgjedhjet e 2025-ës”, u shpreh ai.

Edhe Flamur Noka u bëri thirrje demokratëve dhe gjithë shqiptarëve që t’i bashkohen protestës së 20 shkurtit.

Ne kemi një mision, tha Noka, që në këtë vend të sundojë, ligji, drejtësia, demokracia dhe liria.

“Ja ku jemi sot, në vështirësi, por me një rreze shprese që buroi tek kërkesa juaj për tu bashkuar dhe për të qenë bashkë. Kjo është një dritë e madhe në tunelin me errësirë që Rama kishte tentuar të fustë jo vetëm opozitën por edhe shoqërinë

Me kërkesën tuaj ne luftuam si përfaqësuesit tuaj dhe arritën që të bashkojmë edhe opozitën dhe nuk do të rreshtim në asnjë moment derisa të japim produktin tonë, një opozitë ë bashkuar për të gjunjëzuar këtë regjim kriminal

Ne sot vijmë para jush me disa rezultate konkrete. Ne sot kemi krijuar një front të madhe rezistencë që do ti shtohen faktorë të tjerë opozitarë, do t’i bashkohen qytetarët”, u shpreh ndër të tjera ai.