Deputeti i Partisë Demokratike Gazment Bardhi është përplasur në Kuvend me kryetaren Lindita Nikolla. Sipas Bardhit, Nikolla e ka për detyrë që të kthejë normalitetin në parlament, ndërsa shtoi se ajo nuk njeh si duhet rregulloren e Kuvendit.
“Deputet rrethohen me punonjës të gardës është shfaqja më e shëmtuar. Pse duhet të qëndrojnë të rrethuar deputetët e Kuvendit me punonjës të gardës së republikës. Mungesë totale e respektimit të rregullores nga ana juaj.
Po del në pension dhe s’ke lexuar akoma rregulloren e parlamentit. Punonjësit e gradës hyjnë kur cenohet integriteti fizik i deputetëve. A mund të më thoni se çfarë është rrezikuar? S’ka asnjë rregull që unë të flas në Foltore. Ti zonjë duhet të kthesh normalitetin në seanca plenare. Na vendos dhe një gardh këtu e ndaj PD me PS-në”, u shpreh Bardhi.
Discussion about this post