Kreu i Grupi të opozitës, Gazment Bardhi, i është përgjigjur deklaratës së Lulzim Bashës pas debateve që Bardhi pati me deputeten Flutura Açka dhe Merita Bakiu në Komisionin e Edukimit.
Bardhi ka “shpërthyer” në akuza ndaj Bashës, duke thënë se ai është “një zagar që ka shitur interesat e demokrateve dhe një shërbëtor i regjimit”, dhe më pas reagoi Basha duke e cilësuar Bardhi dhe Nokën “burrecë të vegjël që janë shumë të dobët duke sulmuar zonjat me dhunë verbale”.
“Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me “normalitet të rremë” i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në Kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!”, thotë Bardhi.
Discussion about this post