Kreu i grupit të opozitës, Gazment Bardhi, një ditë pas protestës së deputetëve demokrat para Parlamentit, ka paralajmëruar kryeministrin Edi Rama se “do të na ketë përballë”.
Në një konferencë për shtyp, Bardhi u shpreh se “kush mendon se arroganca zgjidhet me fjalë e ka gabim”.
Ai theksoi se Kuvendi ka degraduar deri në pikën ku fut vendimet e Kushtetueses në xhep, duke shtuar se i shpërfill dhe injoron.
“Ka marrë vendimin për të asgjësuar shtetit, jam sot këtu për t’i kujtuar se do të na ketë përballë. Kush mendon se arroganca zgjidhet me fjalë e ka gabim. Beteja është për qytetarët, jo për vendin tonë, Kuvendi ka degraduar deri në pikën ku fut vendimet e Kushtetueses në xhep. I shpërfill injoron vendimet e Kushtetues. Kryetarja e Kuvendit me urdhër të Ramës pengon vendimin e Kushtetues për Olta Xhaçkën.
Edhe deputetët e përjashtuar kanë të drejtën e protestës. Përveç 19 deputetëve të përjashtuar, dje u penguan të gjithë deputetët e opozitës që të merrnin pjesë në seancë. Kryetarja e Kuvendit sikur të mos kishte ndodhur asgjë, nisi seancën me gjysmën e sallës bosh. Duke marrë kështu autorësinë e asaj vepre penale. Do depozitojmë kallëzim ndaj kryetares së Kuvendit”, tha Gazment Bardhi.
Discussion about this post