Deputeti i PD Gazment Bardhi është paraqitur sot në SPAK në lidhje me çështjen e inceneratorëve. Pas përfundimit të dëshmisë, Bardhi deklaroi se prokuroria është duke përparuar në hetime për inceneratorin e Elbasanit, por nuk ka ende asnjë zhvillim sa i përket inceneratorit të Tiranës.
“Sot isha në cilësinë si kallëzues për inceneratorin e Elbasanit që mesa duket është duke përparuar në hetimet dhe pas dy viteve nuk kanë përfunduar ende. Kam konfirmuar kallëzimin e bërë në emër të PD. Inkurajoj SPAK për të përfunduar hetimet e për të çuar para drejtësisë. Deri më tani nuk ka asnjë zhvillim sa i përket inceneratorit të Tiranës. I kemi dhënë besim SPAK do duhet të na kthejë mbrapsht besimin.
Këto tre inceneratorë janë aferë e pastër korruptive, i nxis për të çuar përpara hetimet. Procedurë normale e ligjore që kallëzuesi do duhet të japë deklarimet e tij mbi kallëzimet që ka bërë. Kam kërkuar që të merret në cilësinë e provës e materiale dhe gjetjet e komisionit hetimor parlamentar, ka pasur kallëzim shtesë nga PD mbi bazën e punës së bërë në komisionin hetimor e kam kërkuar që materialet të jenë pjesë e dosjes hetimore. Personat e kallëzuar nisin nga kryeministri Rama deri te nëpunësit e fundit që kanë firmosur”, tha Bardhi.
Bardhi është thirrur në cilësinë e kallëzuesit në lidhje me këtë çështje të bujshme, të denoncuar nga opozita. Bardhi është thirrur nga prokurorët si person që ka dijeni për këtë çështje ku edhe dha sqarimet e nevojshme.
Discussion about this post